Les mots surlignés font l'objet d'une note
1Monsieur, j'ay receu votre lettre du XXIIe du passé par laquelle mescripvez
2que je ne laisse à me mectre dens ung college à faulte d’argent, et
3que Monsieur de Rosset vous a mis trois cens livres en main. J’ay
4monstré la lettre à Monsieur de Vennes qui m’a dict que ne luy avez
5escript que de neuf vingtz livres, lesquelles j'ay receu par les
6mains de Monsieur de La Roche et si pres de la St Remy quil m’a esté
7impossible me meubler si promptement et me bien accommoder dens
8ung college, comme j’eusse bien desiré pour acomplir votre vollonté.
9Et quant encores mondit sieur de Rosset meust plus tost envoyé
10d’argent, il eust fallu pour ce faire quil en eust envoyé
11davantaige, car la plus grande partie de ceste somme
12se despendra pour accoustrer ses enffens en habitz qui leur
13sont instement necessaires et desquelz ilz ne se peuvent
14passer. Je me suis logé près le college de Boncours pour
15m’avoir semblé estre le meillieur et plus sallubre des
16colleges de ceste ville, auquel jenuoye presentement les
17enfens à la sixiesme classe où jespère quil ne perdront
18poinct leur temps ; si Dieu nous entretient en santé au moins
19mon debvoir n’y deffauldra
20[dessin d'une croix à six branches]
21Monseigneur, je supplye le Createur vous voulloir maintenir en santé
22très longue et très heureuse vye. De Paris, ce VIIIe jour
23doctobre 1572
24Votre très humble et très obeissant
25serviteur Jean Besson